Sópransöngkonan, hljómsveitarstjórinn og fiðluleikarinn Ragnheiður Ingunn Jóhannsdóttir stundaði tónlistarnám í Listaháskóla Íslands, Konunglega tónlistarháskólanum í Stokkhólmi og Malko hljómsveitarstjóraakademíunni í Kaupmannahöfn, auk þess sem hún lauk meistaragráðu í menningarstjórnun frá Háskólanum á Bifröst. Í haust liggur leið hennar til Noregs þar sem hún mun nema hljómsveitarstjórn við Tónlistarháskólann í Osló. Ragnheiður var valin „Bjartasta vonin í íslensku tónlistarlífi“ á Íslensku tónlistarverðlaununum 2023.